Taxtanın həcminin (kub metr) hesablanması
0.00
Tikintidə istifadə olunan taxtalar adətən qalınlıq × en ölçüsü ilə ifadə olunur. Azərbaycanda ən çox istifadə olunan ölçülər aşağıdakılardır.
| Ölçü (sm) | İstifadə sahəsi |
|---|---|
| 2 × 10 | Yüngül konstruksiyalar, üzlüklər |
| 3 × 10 | Arakəsmələr, köməkçi elementlər |
| 3 × 4 | Reyka, karkas işləri |
| 3 × 5 | Dam örtüyü altlıqları |
| 4 × 4 | Karkas və dayaqlar |
| 5 × 5 | Laqa və karkas işləri |
| 5 × 10 | Dam, qəlib, karkas, dirək |
| 5 × 15 | Döşəmə laqaları, dam tirləri |
| 5 × 20 | Böyük yük daşıyan elementlər |
Taxtalar ən çox 2 m, 3 m, 4 m və 6 m uzunluqlarda satılır. Bazarda xüsusilə 5×10 sm və 5×15 sm ölçülü taxtalar fərdi ev tikintisində geniş istifadə olunur.
Taxta növləri
- Tikinti taxtası – qəlib, dam və karkas işləri üçün istifadə olunur.
- Döşəmə taxtası – evin döşəməsində yükdaşıyıcı element kimi döşəmə örtüyünün altında yerləşdirilir.
- Tamasa (reyka) – dam örtüyünün altında müxtəlif elementlərdə istifadə edilir.
- Şalban və tirlər – iri daşıyıcı konstruksiyalarda tətbiq olunur.
Taxtanın həcminin hesablanması
Taxtanın həcmi aşağıdakı düsturla hesablanır:
V = a × b × L
- a – qalınlıq (m)
- b – en (m)
- L – uzunluq (m)
Məsələn, 5×10 sm ölçülü və 6 m uzunluqlu bir taxtanın həcmi:
0.05 × 0.10 × 6 = 0.03 m³
Beləliklə, 1 m³ həcmdə təxminən 33 ədəd 5×10 sm ölçülü, 6 m uzunluqlu taxta yerləşir.